ജീവിതയുദ്ധം | കവിതകൾ | കുറുങ്കവിതകൾ | കുറ്റിപ്പെൻസിൽ | Kuttipencil Malayalam

ജീവിതയുദ്ധം | കവിതകൾ | കുറുങ്കവിതകൾ | കുറ്റിപ്പെൻസിൽ | Kuttipencil Malayalam

ജീവിതയുദ്ധം

ജനിച്ചനാള്‍മുതലാ,രെന്‍ കരങ്ങളില്‍

ജീവിതയുദ്ധക്കളത്തിലെനിക്കായ്

പോരാടുവാനൊരു വാളുതന്നൂ?

ആരും കാണാത്തൊരാ,പരിചതന്നൂ?

കദനത്തിന്‍ മുള്ളുകള്‍ വീണൊരീ,വീഥി-

യിലെന്നും പൊരുതുകയായിരുന്നൂ!

ഒരുനല്ലനാളിന്‍റെ,യാഗമനത്തിനായ്

ഞാനെന്നും കാതോര്‍ത്തിരിക്കയല്ലോ!

ജീവിതമാ,മീയങ്കത്തട്ടിലെനിക്കെന്നും

നേരേനിന്നു പൊരുതുന്നവനല്ലോ കാലം!

ഏതൊക്കെ ചുവടുവച്ചാലുമെന്നെയാ

പോരാളിതന്നടവുകളില്‍ ഞാന്‍ തോറ്റിടുന്നൂ!

പതിനെട്ടെല്ല,യതിനുമപ്പുറമേതൊരടവി-

നാല്‍ ഞാന്‍ പൊരുതേണ്ടുന്നതറിയാതെ

യുദ്ധഭൂവിലെല്ലാം തകര്‍ന്നുകൊണ്ടിതാ

വാളുംപരിചയും വച്ചടിയറവു ചൊല്ലുന്നൂ!

കാലമേ നീതന്നൊരീ,മാനസക്ഷതങ്ങളി-

ലെന്നുമുരുകി ഞാന്‍ നീറിടുമ്പോള്‍

നിന്‍റെയട്ടഹാസത്തിലെന്‍ ജീവിതമിതാ

പരിഹാസപാത്രമായ് തീര്‍ന്നിടുന്നൂ....

കാലമേ നീയെന്തിനെനിക്കൊരു ശരശയ്യതന്നൂ

കാലങ്ങളെണ്ണി കഴിയുവാനോ,യെന്നും

ജീവിതഭാണ്ഡത്തിലുള്ളോരെന്നിലെ

കദനകണക്കുകളെ കണ്ടിരിക്കാനോ!?

രചന : ശേഖർ ആലത്തൂർ