നിനക്കായ് കാത്തിരിക്കുന്നതും... | കവിതകൾ | പ്രണയകവിതകൾ | കുറ്റിപ്പെൻസിൽ | Kuttipencil Malayalam

നിനക്കായ് കാത്തിരിക്കുന്നതും...  | കവിതകൾ | കുറുങ്കവിതകൾ | കുറ്റിപ്പെൻസിൽ | Kuttipencil Malayalam

നിനക്കായ് കാത്തിരിക്കുമ്പോൾ 

മനസ്സൊരു കൈതോലമുള്ളിൽ 

ഉരസിയതുപോലെ തോന്നുന്നുണ്ട് 

അതും.. നീയറിഞ്ഞില്ല .

 

നീ മനസ്സിൽ തുള്ളിക്കളിക്കുമ്പോൾ  

ചെറുമന്ദഹാസം പൊഴിച്ചിരുന്നതും 

പിന്നൊരു വിങ്ങലായതും അറിയുന്നുണ്ട് 

അതും.. നീയറിഞ്ഞില്ല . 

കീറിത്തുന്നിയ പഴഞ്ചാക്കിലെന്നപോലെ 

മോഹങ്ങൾ എത്രകയറ്റിയിട്ടാലും 

ഞാനറിയാതെ ഉതിർന്നുപോയിരുന്നു 

അതും.. നീയറിഞ്ഞില്ല . 

മനസ്സിലേക്കാമുഖമോടിയെത്തുമ്പോൾ

മനസ്സറിഞ്ഞു കരഞ്ഞുപോകുന്നതും 

കരഞ്ഞതുള്ളികൾ ഉറഞ്ഞുപോയതും 

വെറുതെ പറഞ്ഞുവെന്നേയുള്ളൂ..  

അതും.. നീയറിഞ്ഞില്ല .  

പരിഭവം പറയാനായൊരു വിളി 

സങ്കടം പറയാനായൊരു വിളി 

അങ്ങനെയെന്തിനൊരു വിളി 

അത്.. 

അത് .. നീയാണ് പറഞ്ഞത് 

പക്ഷേ .. ഞാനറിഞ്ഞിരുന്നില്ല.. 

കാരണം .. 

എന്റെ ആത്മാവെന്നേ

എന്നിൽനിന്നു പറന്നകന്നിരുന്നു.  

രചന : 'വേണു 'നൈമിഷിക'